काठमाडौं महागरका मेयर बालेन शाहले महानगरसँग असम्बन्धित कार्यक्रममा बोलाएर काठमाडौं महानगरको आलोचना गरेको भन्दै आक्रोश पोखेका छन् । बागमती प्रदेशले प्रदेशमा रहेका पालिकाहरूसँग गरेको छलफल कार्यक्रममा काठमाडौं महानगरको चर्को आलोचना भएको थियो । आलोचना भएपछि काठमाडौंका मेयर बालेन कार्यक्रमबीचमै छाडेर बाहिरिएका थिए ।
कार्यक्रमबाट बाहिरिएका बालेनले फेसबुकमा पनि आक्रोश पोखेका थिए । उनले फेसबुकमा लेखेका थिए, ‘बागमती प्रदेशले आयोजना गरेको काठमाडौं महानगरलाई गाली गर्ने कार्यक्रममा सहभागी भएर धेरै खुसी लाग्यो ।’
बालेनको फेसबुक स्टाटसबारेमा धेरैले चासो देखाएपछि उनले यस विषयमा प्रस्टीकरण पनि दिएका छन् । उनले भनेका छन, ‘मलाई व्यक्तिगत रूपमा आलोचना वा गाली गर्न पाइयो तर काठमाण्डौंसँग र काठमाडौंवासीसँग सम्बन्धित नै नभएको कार्यक्रममा काठमाडौंलाई गाली गर्न किन समय र उर्जा खर्चिने ?’
काठमाडौं महानगरलाई गाली गरेकोमा रिसाएका बालेनले महानगरलाई गाली गरेको सहन नसकेपछि बागमती प्रदेशले गरेको कार्यक्रमबीचमै छाडेर बाहिरिएको बताएका छन् ।
