काठमाण्डौ,
टीकापुर घटनामा कैद सजाय भोगिरहेका रेशम चौधरी अस्पताल भर्ना भएका छन् । दुई दिन अगाडि मुटु र खुट्टामा समस्या देखिएपछि उनी वीर अस्पतालमा भर्ना भएका हन् ।
डिल्लिबजारस्थित कारागारका जेलर गणेश आचार्यले केही दिनदेखि मुटु दुख्ने र खुट्टा सुन्निने समस्या देखिएकाले चौधरीलाई अस्पताल भर्ना गरिएको बताए ।
उनलाई ७ भदौं २०७२ मा भएको टीकापुर हत्याकाण्डका मुख्य अभियुक्तका रुपमा जिल्ला अदालत कैलालीले दोषी ठहर गरेको थियो ।
उनी दुई वर्षदेखि डिल्लीबजार कारागारमा जेल जीवन बिताइरहेका छन् ।
