जनादेश सुदरपश्चिम प्रदेश । सुदूरपश्चिम विश्वविद्यालय केन्द्रीय कार्यालयले स्नातक तह प्रथम सेमेस्टरमा विद्यार्थी भर्नाका लागि आवेदन माग गरेको छ । विश्वविद्यालयले शैक्षिक सत्र २०७९/०८० का लागि व्यवस्थापन, मानविकी तथा सामाजिक शास्त्र, शिक्षाशास्त्र, विज्ञान तथा प्रविधि, इन्जिनियरिङ, कृषि र कानुन संकाय अन्तर्गत स्नातक तहका विभिन्न शैक्षिक कार्यक्रममा विद्यार्थी भर्नाका लागि आवेदन माग गरेको हो ।
त्यसैगरी स्नातकोत्तर तह प्रथम सेमेष्टरमा व्यवस्थापन, मानविकी तथा समाजशास्त्र र शिक्षाशास्त्र संकाय अन्तर्गत सञ्चालित विभिन्न शैक्षिक कार्यक्रमहरुमा शैक्षिक सत्र २०७९/०८० का लागि नयाँ विद्यार्थी भर्नाका लागि आवेदन माग गरेको छ ।
इच्छुक विद्यार्थीहरुले संकाय र शैक्षिक कार्यक्रम अनुसार भदौं २६ गतेदेखि प्रवेश परीक्षका लागि आवेदन फाराम बुझाउन सकिने जनाएको छ ।
