जनादेश वेदर वाच।
काठमाडौं उपत्यकाको न्यूनतम तापक्रम ६ डिग्रीमा झरेको छ। मौसम पूर्वानुमान महाशाखाका मौसमविद् रोजन लामिछानेका अनुसार आज बिहान ५:४५ बजे मापन गर्दा काठमाडौँ उपत्यकाको न्यूनतम तापक्रम ६ डिग्री सेल्सियस देखिएको हो। हिजाे शनिबार भने उपत्यकाको न्यूनतम तापक्रम ६.५ डिग्री सेल्सियस थियो।
अहिले बिहान ८:४५ बजे देशका अन्य स्थानका न्यूनतम तापक्रम सार्वजनिकसँगै उपत्यकाको न्यूनतम तापक्रम पनि अपडेट गरिनेछ।
हिजो शनिबार भने देशका विभिन्न स्थानको तापक्रम यस्तो थियो :
आजको मौसम
आज सामान्यतया देशभर मौसम सफा रहने मौसमविद् लामिछानेले बताए। उनका अनुसार आज कतै हिमपात वा वर्षाको सम्भावना छैन। महाशाखाले जारी गरेको बुलेटिनअनुसार यतिबेला (आइतबार बिहान) देशभर मौसम सामान्यतया सफा छ। देशका पश्चिम तथा मध्य तराईतिर केही स्थानमा भने हल्का हुस्सु/कुहिरो लागेको छ। तर यो घामसँगै हटेर जाने मौसमविद्ले बताएका छन्।
बुलेटिनअनुसार दिउँसो देशभर मौसम सामान्यतया सफा रहने भए पनि रातिचाहिँ लुम्बिनी र गण्डकी प्रदेशमा आंशिक बदली (आकाशमा थोरै बादल) बाँकी स्थानमा मौसम सामान्यतया सफा रहनेछ।
