जनादेश वाच।
देशको पहाडी भू–भागमा आज बिहान आंशिक बदली रहेको छ । बाँकी भू–भागहरूको मौसम सामान्यतया सफा रहेको छ । जल तथा मौसम विज्ञान विभागका अनुसार आज दिउँसो देशका पहाडी भू–भागमा आंशिक बदली रहनेछ । बाँकी भू–भागमा मौसम सामान्यतया सफा रहनेछ ।
पहाडी भू–भागका एकदुई स्थानमा मेघगर्जन र चट्याङसहित हल्का वर्षाको सम्भावना रहेको छ । काठमाडौं उपत्यकामा आज दिनभर मौसम सामान्यतया सफा रहने मौसमविद् वरुण पौडेलले जानकारी दिए । उनका अनुसार साँझपख काठमाडौंको मौसममा बदली हुनेछ । यद्यपि, पानी पर्ने सम्भावना भने छैन ।
विभागका अनुसार आज राति देशका पहाडी भू–भागमा आंशिक बदली रहनेछ । बाँकी भू–भागमा मौसम सामान्यतया सफा रहनेछ । हाल देशमा पश्चिमी वायुको सामान्य प्रभाव रहेको छ ।
