जनादेश, काठमाडौँ ।
काठमाडौँ उपत्यकामा आज मात्रै थप ११९ जना कोरोना संक्रमित थपिएका छन् ।
शुक्रबार काठमाडौँका ८३, ललितपुरमा ३० र भक्तपुरमा ६ गरी उपत्यकामा ११९ जनामा कोरोना संक्रमित थपिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जनाएका छन् । यससँगै नेपालमा पछिल्लो २४ घण्टामा थप ५९४ जनामा कोरोना संक्रमण पुष्टि भएको छ । प्रवक्ता गौतमका अनुसार पछिल्लो २४ घण्टामा ११ हजार ५७५ को पीसीआर परीक्षण गरिएको थियो ।
हाल देशभरका क्वारेन्टिनमा १४ हजार ६३८ जना रहेका छन् भने थप २४० कोरोना संक्रमित उपचारपछि निको भएर घर फर्केका छन् ।
