चन्दप्रकाश नेपाली,
काठमाण्डौ । वैदेशिक रोजगार बोर्डले प्रदान गर्ने आर्थिक सहायता १५ दिनका लागि बन्द हुने भएको छ । ७७ वटै जिल्ला प्रशासनबाट जारी हुने सवारी पास रद्ध गर्ने निर्णय गरेसँगै बोर्डले प्रदान गर्ने गर्ने आर्थिक सहायता पनि पर्सि साउन ३२ गतेदेखि भदौं १५ गतेसम्म रद्ध गरेको बोर्डले जनाएको छ ।
वैदेशिक रोजगार नियमावलीले पालिका मार्फत नै आर्थिक सहायताका लागि निवेदन दिने व्यवस्था गरे पनि धेरै जना आर्थिक सहायताका लागि बोर्ड नै आउने गरेका छन ।
कोरोना महामारीका बेलामा सङ्क्रमण जोखिम हुने भएकाले सम्बन्धित पालिकाबाटै आर्थिक सहायताका लागि निवेदन दिन बोर्डले अनुरोध गरेको छ ।
पालिकाहरुलाई प्राप्त कागजात, प्रमाण र सिफारिस सहित बोर्डमा पठाउन अनुरोध पनि गरेको छ । यस्तै बोर्डले विदेशबाट आउने शव त्रिभुवन विमानस्थल देखि घरसम्म लैजानका लागि बोर्डको वेवसाइटमा राखिएको निवेदनको ढाँचा अनुसार अनलाइन मार्फत नै निवेदन दिन अनुरोध गरेको छ ।
