मंगलबार सेयर बजार राताम्मे भएको छ । सेयर बजार परिसूचक नेप्से ५३.१६ अंकले घटेर एक हजार ८८८.६१ विन्दुमा पुगेको छ ।
बैंकिङ ३०, विकास बैंक ८०, फाइनान्स ४४, होटल तथा पर्यटन ९७, जलविद्युत् ६५, जीवन बीमा ३४६, उत्पादन ७७, माइक्रोफाइनान्स १२२, निर्जीवन बीमा २९१, अन्य ४५ र ब्यापार उपसमूह ६५ अंक घटेको छ ।
आज सबैभन्दा धेरै श्वेतगङ्गा हाइड्रोको सेयर झन्डै साढे नौ प्रतिशत र सामुदायिक लघुवित्तको सेयर साढे आठ प्रतिशतले घटेको छ । समग्रमा बजार घटे पनि आज आत्मनिर्भर लघुवित्त र बीपीडब्ल्यू लघुवित्तको सेयर १० प्रतिशतले बढेको छ ।
यस दिन २७५ कम्पनीको ७० लाख ७४ हजार कित्ता सेयर दुई अर्ब ३४ करोड रुपैयाँमा कारोबार भएको छ । सबैभन्दा धेरै शिवम् सिमेन्टको २१ करोड २४ लाख रुपैयाँको सेयर किनबेच भएको छ ।
