जनादेश, काठमाडौँ ।
कोरोना संक्रमित तथा शंकास्पद व्यक्तिको उपचारमा संलग्न अस्पताललाई स्वास्थ्य मन्त्रालयले अनुदान रकम उपलब्ध गराउने भएको छ ।
यसका लागि मन्त्रालयले विज्ञप्ति जारी गर्दै अस्पताललाई दुई दिनभित्र विवरण बुझाउन आग्रह गरेको छ । मन्त्रालयका अनुसार उपचारमा संलग्न अस्पताललाई प्रतिव्यक्ति दैनिक दुई सयदेखि १५ हजार रुपैयाँसम्म अनुदान रकम उपलब्ध गराउने तयारी भइरहेको छ ।
यस्तै, विवरण नबुझाउने अस्पतालको हकमा कुनै कठिनाइ हुन गए अस्पताल आफै जवाफदेही बन्नु पर्ने मन्त्रालले बताएको छ ।
