जनादेश काठमाण्डौ।
नेपाल मेडिकल काउन्सिलले आगामी ७ भदौका लागि तय गरेको चिकित्सक लाइसेन्स परीक्षा विकेन्द्रीकृत गर्ने योजना अघि सारेको छ ।
काउन्सिलले आज सूचना जारी गर्दै परीक्षार्थीहरुलाई आफ्नो विवरण ३ भदौ भित्र पठाउन अनुरोध गरेको छ । काउन्सिलले उपलव्ध गराएको गुगल फारममा नाम, इमेल, हाल बसोबास गरिरहेको जिल्ला, ७ गते देखि हुने परीक्षा दिन पायक पर्ने जिल्ला, नागरिकता जारी भएको जिल्ला, रोल नं र सम्पर्क मोवाइल नम्बर भर्न भनिएको छ ।
काउन्सिलका रजिष्ट्रार डा कृष्णप्रसाद अधिकारीले कोरोना संक्रमण बढ्दै जाँदा परीक्षाकेन्द्र ‘डिसेन्ट्रलाइज्ड’ गर्ने योजना अनुरुप फारम भर्न पठाइएको बताए । ‘कोरोना संक्रमण बढेपछि पनि परीक्षा लिनुपर्ने नै अवस्था छ तर सबैलाई काठमाडौँ आउन सम्भव छैन् ।
मोफसलमा पनि परीक्षाकेन्द्र चलाउने गरी यो योजना अघि सारिएको हो,’ उनले भने ।
