बिहिबार सेयर बजार राताम्मे भएको छ । सेयर बजार परिसूचक नेप्से ३१.५२ अंकले घटेर दुई हजार ०१३.९३ विन्दुमा पुगेको छ ।
बैंकिङ ११, विकास बैंक ८६, फाइनान्स ५१, होटल तथा पर्यटन १०१, जलविद्युत् ५३, जीवन बीमा २४२, उत्पादन ६६, माइक्रोफाइनान्स ५६, निर्जीवन बीमा २४३, अन्य १६ र व्यापार उपसमूह ४३ अंकले घटेको छ ।
आज सबैभन्दा धेरै मोलुङ हाइड्रोपावर कम्पनीको शेसेयर साढे आठ प्रतिशतले घटेको छ । समग्रमा बजार घटे पनि कुथेली बुखारी हाइड्रोपावर कम्पनीको सेयर १० प्रतिशतले बढेको छ ।
यस दिन २७५ कम्पनीको ४६ लाख ५७ हजार कित्ता सेयर एक अर्ब ५५ करोड रुपैयाँमा कारोबार भएको छ । सबैभन्दा धेरै सोल्टी होटलको सात करोड ८७ लाख रुपैयाँको सेयर किनबेच भएको छ ।
