आइतबार सेयर बजार २० अंकले घटेको छ । सेयर बजार परिसूचक नेप्से २०.५४ अंकले घटेर एक हजार ९९३.३८ विन्दुमा पुगेको छ ।
बैंकिङ १०, विकास बैंक २४, फाइनान्स १७, होटल तथा पर्यटन ७६, जलविद्युत् ३६, जीवन बीमा १०४, उत्पादन ३७, माइक्रोफाइनान्स ४०, निर्जीवन बीमा १२८, अन्य १६ र व्यापार उपसमूह २३ अंकले घटेको छ ।
आज सबैभन्दा धेरै मकर जितुमाया सुरी हाइड्रोपावर कम्पनीको सेयर साढे नौ प्रतिशतले घटेको छ । समग्रमा बजार घटे पनि कुथेली बुखारी हाइड्रोपावर कम्पनीको सेयर १० प्रतिशतले बढेको छ ।
यस दिन २८० कम्पनीका ३८ लाख ९५ हजार कित्ता सेयर एक अर्ब २६ करोड रुपैयाँमा कारोबार भएको छ । सबैभन्दा धेरै एसियन लाइफ इन्स्योरेन्सको सात करोड ४६ लाख रुपैयाँको सेयर किनबेच भएको छ ।
