मंगलबार सेयर बजार दोहोरो अंकले घटेको छ । सेयर बजार परिसूचक नेप्से १९.४२ अंकले घटेर एक हजार ९६७.५७ विन्दुमा पुगेको छ ।
बैंकिङ ५, विकास बैंक ५४, फाइनान्स ३२, होटल तथा पर्यटन ११०, जलविद्युत् ३१, जीवन बीमा १०८, उत्पादन ५६, माइक्रोफाइनान्स ५०, निर्जीवन बीमा १४९, अन्य ३ र ब्यापार उपसमूह २४ अंकले घटेको छ ।
आज सबैभन्दा धेरै थ्री स्टार हाइड्रोको सेयर १० प्रतिशतले घटेको छ । समग्रमा बजार घटे पनि आज शुभम् पावर कम्पनीको सेयर १० प्रतिशतले बढेको छ ।
यस दिन २७६ कम्पनीको ३९ लाख १६ हजार कित्ता सेयर एक अर्ब १३ करोड रुपैयाँमा कारोबार भएको छ । सबैभन्दा धेरै नेपाल एसबीआई बैंकको सात करोड ५६ लाख रुपैयाँको सेयर किनबेच भएको छ ।
