चालु आर्थिक वर्षमा नेपालको आर्थिक वृद्धिदर ४.३ प्रतिशत हुने एशियाली विकास बैंक (एडीबी) ले प्रक्षेपण गरेको छ ।
बुधबार एशियन डेभलपमेन्ट आउटलूक सार्वजनिक गर्दै एडीबीले गत वर्ष गरिएको आयात कडाईका कारण चालु वर्षमा नेपालको आर्थिक वृद्धिदर सामान्य रहने प्रक्षेपण गरेको हो ।
गत आर्थिक वर्षमा भने १.९ प्रतिशत मात्रै आर्थिक वृद्धिदर भएको अनुमान छ । सरकारले भने यस वर्ष ६ प्रतिशतको आर्थिक वृद्धिदरको लक्ष्य राखेको थियो।
यस्तै, एडीबीले यस वर्ष मूल्य वृद्धि ६.२ रहने अनुमान गरेको छ । गत आर्थिक वर्षमा मूल्य वृद्धि ७.७ प्रतिशत थियो । राष्ट्र बैंकले चालु आर्थिक वर्षमा ६.५ प्रतिशतभित्र मूल्य वृद्धिदर नियन्त्रण गर्ने लक्ष्य राखेको छ।
