बुधबार सेयर बजार सामान्य अंकले बढेको छ । सेयर बजार परिसूचक नेप्से ९.२५ अंकले बढेर एक हजार ९६७.९७ विन्दुमा पुगेको छ ।
विकास बैंक २२, फाइनान्स १७, होटल तथा पर्यटन ७८, जलविद्युत् २८, जीवन बीमा ५२, उत्पादन १६, माइक्रोफाइनान्स १७, निर्जीवन बीमा ६१, अन्य ४ र ब्यापार उपसमूह २३ अंकले बढेको छ । यस्तै, बैंकिङ ०.०७ अंकले घटेको छ ।
आज सबैभन्दा धेरै मध्य भोटेकोशी जलविद्युत् र बुद्धभूमि हाइड्रोपावर कम्पनीको सेयर १० प्रतिशतले बढेको छ । समग्रमा बजार बढे पनि समता घरेलु लघुवित्त कम्पनीको सेयर साढे छ प्रतिशतले घटेको छ ।
यस दिन २८४ कम्पनीको ४३ लाख २३ हजार कित्ता सेयर एक अर्ब १८ करोड रुपैयाँमा कारोबार भएको छ । सबैभन्दा धेरै सिटिजन लाइफ इन्स्योरेन्स कम्पनीको छ करोड ९३ लाख रुपैयाँको सेयर किनबेच भएको छ ।
