मंगलबार सेयर बजार परिसूचक नेप्से ३०.०५ अंकले घटेर दुई हजार ०३०.१० विन्दुमा पुगेको छ ।
बैंकिङ १३, विकास बैंक ५३, फाइनान्स २३, जलविद्युत् ३१, जीवन बीमा ३२४, माइक्रोफाइनान्स ४७, अन्य १०, होटल तथा पर्यटन १८१, निर्जीवन बीमा ३१३, उत्पादन ७५ र व्यापार उपसमूह ३१ अंकले घटेको छ ।
आज सबैभन्दा धेरै हिमालयन हाइड्रोपावर लिमिटेडको सेयर १० प्रतिशतले घटेको छ । समग्रमा बजार घटे पनि आज चिरख्वा हाइड्रो, मुक्तिनाथ कृषि कम्पनी र नेपाल वेयरिङ हाउस लिमिटेडको सेयर भने १० प्रतिशतले बढेको छ ।
यस दिन ३०५ कम्पनीको एक करोड ११ लाख कित्ता सेयर चार अर्ब चार करोड रुपैयाँमा कारोबार भएको छ । सबैभन्दा धेरै शिवम् सिमेन्टको १६ करोड ११ लाख रुपैयाँको सेयर किनबेच भएको छ ।
