काठमाडौँ । यस वर्ष नेपालको आर्थिक वृद्धिदर ३.८७ प्रतिशत हुने अनुमान गरिएको छ ।
केन्द्रीय तथ्यांक कार्यालयले आर्थिक वर्ष २०८०/८१ को वार्षिक राष्ट्रिय लेखा तथ्यांकसम्बन्धि विवरण सार्वजनिक गर्दै यस वर्ष ३.८७ प्रतिशत आर्थिक वृद्धिदर हुने प्रक्षेपण गरेको हो ।
यस्तै, गत आर्थिक वर्षमा १.९५ प्रतिशतको आर्थिक वृद्धिदर प्राप्ति भएको छ। अनुमान अनुसार गत वर्ष १.८६ प्रतिशतको आर्थिक वृद्धिदर हुने बताइएको थियो ।
साथै, यस वर्ष अर्थतन्त्रको आकार ५७ खर्ब ४ अर्ब रुपैयाँ पुग्ने देखिएको छ । नेपालको कुल गार्हस्थ्य उत्पादन ३.५४ प्रतिशतले विस्तार हुनेछ ।
