काठमाडौँ । बुधबार सेयर बजार परिसूचक नेप्से ५.६३ अंकले बढेर एक हजार ९६६.२३ विन्दुमा पुगेको छ ।
बैंकिङ ४, विकास बैंक ३२, होटल तथा पर्यटन ३४२, निर्जीवन बीमा १६, अन्य ०.२९, फाइनान्स १४, हाइड्रोपावर ४, र व्यापार उपसमूह २ अंकले बढेको छ । त्यस्तै, उत्पादन ७, जीवन बीमा ४३ र माइक्रोफाइनान्स उपसमूह ३८ अंकले घटेको छ ।
आज सबैभन्दा धेरै ओरियन्टल होटल्स लिमिटेडको सेयर झण्डै साढे आठ प्रतिशतले बढेको छ । समग्रमा बजार बढेपनि आज कुमारी सबल योजनाको सेयर ८ प्रतिशत भन्दा धेरैले घटेको छ ।
यस दिन ३१३ कम्पनीको ७० लाख कित्ता सेयर ३ अर्ब १२ करोडमा कारोबार भएको छ ।
