काठमाडौँ । मंगलबार सेयर बजार परिसूचक नेप्से २३.९४ अंकले बढेर दुई हजार ११५.९४ विन्दुमा पुगेको छ ।
बैंकिङ १९, होटल तथा पर्यटन १४, हाइड्रोपावर ५३, अन्य ६, फाइनान्स ७५, उत्पादन १०, जीवन बीमा १९, निर्जीवन बीमा २९ र माइक्रोफाइनान्स उपसमूह ६७ अंकले बढेको छ । यस्तै, विकास बैंक १२ र व्यापार उपसमूह १४ अंकले घटेको छ ।
आज सबैभन्दा धेरै जानकी फाइनान्स, नेरुडे र्मिर्मिर लघुवित्त, सामूदायीक लघुवित्त र बुद्धभूमी नेपाल हाइड्रोको सेयर १० प्रतिशतले बढेको छ । समग्रमा बजार बढे पनि आज साइन रेसुंगा बैंकको सेयर ४ प्रतिशत भन्दा धेरैले घटेको छ ।
यस दिन ३१७ कम्पनीको एक करोड ३२ लाख कित्ता सेयर ५ अर्ब २० करोडमा कारोबार भएको छ ।
