काठमाडौँ । मंगलबार सेयर बजार परिसूचक नेप्से ६.२२ अंकले बढेर दुई हजार ०८५.३० विन्दुमा पुगेको छ ।
बैंकिङ १, विकास बैंक २३, फाइनान्स ६, होटल तथा पर्यटन ५, जीवन बीमा ४८, उत्पादन ५२, माइक्रोफाइनान्स ६६, निर्जीवन बीमा ५९ र व्यापार उपसमूह ९७ अंकले बढेको छ । त्यस्तै, आज हाइड्रोपावर १५ र अन्य उपसमूह ३ अंकले घटेको छ ।
आज सबैभन्दा धेरै ग्लोबल आइएमई लघुवित्तको सेयर १० प्रतिशतले बढेको छ । समग्रमा बजार बढे पनि आज बुद्धभूमी नेपाल हाइड्रोको सेयर साढे पाँच प्रतिशत भन्दा धेरैले घटेको छ ।
यस दिन ३१५ कम्पनीको ८३ लाख कित्ता सेयर ४ अर्ब ८ करोडमा कारोबार भएको छ ।
