काठमाडौँ । सोमबार सेयर बजार परिसूचक नेप्से ८.९० अंकले बढेर दुई हजार ०८२.०९ विन्दुमा पुगेको छ ।
विकास बैंक १४, फाइनान्स २५, निर्जीवन बीमा १३४, माइक्रोफाइनान्स २८, हाइड्रोपावर ५० र उत्पादन उपसमूह ७ अंकले बढेको छ । त्यस्तै, बैंकिङ ०.२५, होटल तथा पर्यटन ५१, जीवन बीमा २४, अन्य ०.५८ र व्यापार उपसमूह ६१ अंकले घटेको छ ।
आज सबैभन्दा धेरै कुथाली बुकारी स्मल हाइड्रोपावर र त्रिशुली जलविद्युत कम्पनीको सेयर १० प्रतिशतले बढेको छ । समग्रमा बजार बढेपनि आज जानकी फाइनान्स लिमिटेडको सेयर साढे ८ प्रतिशत भन्दा धेरैले घटेको छ ।
यस दिन ३१४ कम्पनीको एक करोड १६ लाख कित्ता सेयर ५ अर्ब ४९ करोडमा कारोबार भएको छ ।
