काठमाडौँ । नेपाली बजारमा आज सुनको मूल्य स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४१ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ४० हजार ९०० रुपैयाँ कायम भएको छ ।
महासंघका अनुसार चाँदीको मूल्य भने तोलामा १० रुपैयाँले घटेर १८ सय १० रुपैयाँमा किनबेच भइरहेको छ । अन्तर्राष्ट्रिय बजारमा आज सुन प्रतिऔंस २ हजार ३०९.६१ डलरमा र चाँदी प्रतिऔंस २९.१२ डलरमा कारोबार भइरहेको छ ।
