नेपाली कांग्रेसले एमालेसँगको सत्ता सहकार्य गर्ने समझदारीलाई अनुमोदन गरेको छ ।
आज बिहान पार्टी सभापति शेरबहादुर देउवाको निवास बूढानीलकण्ठमा बसेको कांग्रेसको कार्य सम्पादन समितिको बैठकले एमालेसँगको सत्ता सहकार्य गर्ने समझदारीलाई अनुमोदन गरेको हो ।
कांग्रेस प्रवक्ता डा। प्रकाशशरण महतका अनुसार पहिलो चरणमा सरकारको नेतृत्व नेकपा एमालेका अध्यक्ष केपी शर्मा ओलीले गर्नेछन् । त्यसपछि दोस्रो चरणमा निर्वाचन सम्पन्न नभएसम्म कांग्रेस सभापति शेरबहादुर देउवाले सरकारको नेतृत्व गर्ने सहमति भएको प्रवक्ता महतले बताए ।
कांग्रेसले मार्गप्रशस्त गर्न प्रधानमन्त्री पुष्पकमल दाहाल ‘प्रचण्ड’ लाई अनुरोध पनि गरेको महतले जानकारी दिए । कांग्रेस र एमालेले गत सोमबार राति प्रचण्डलाई हटाएर नयाँ सरकार बनाउने समझदारी गरेका थिए
