काठमाडौँ । आइतबार सेयर बजार परिसूचक नेप्से ६१.६१ अंकले बढेर दुई हजार ४८५.९४ विन्दुमा पुगेको छ ।
बैंकिङ ५२, विकास बैंक ६९, होटल तथा पर्यटन २५९, जीवन बीमा १७४, माइक्रोफाइनान्स ८३, निर्जीवन बीमा ७८, अन्य ६०, व्यापार २३०, उत्पादन २१३, फाइनान्स ४१ र हाइड्रोपावर उपसमूह ४० अंकले बढेको छ ।
आज यूनाइटेड मोदी हाइड्रोपावर र समता घरेलु लघुवित्तको सेयर सबैभन्दा धेरै १० प्रतिशतले बढेको छ । समग्रमा बजार बढेपनि आज सिक्लेश हाइड्रोपावरको सेयर १० प्रतिशतले घटेको छ ।
यस दिन ३१५ कम्पनीको ४ करोड ११ लाख कित्ता सेयर १५ अर्ब २३ करोडमा कारोबार भएको छ ।
