पार्टी केन्द्रको निर्देशनपछि नेकपा एमालेले लुम्बिनी प्रदेशको मुख्यमन्त्रीमा संसदीय दलका उपनेता चेतनारायण आचार्यलाई अघि सार्ने निर्णय गरेको छ।
प्रदेश संसदीय दलका प्रमुख सचेतक तुलसीप्रसाद चौधरीका अनुसार, उपनेता आचार्यलाई मुख्यमन्त्रीमा अघि सारिएको छ। ‘पार्टीले उहाँ (चेतनारायण आचार्य) लाई मुख्यमन्त्रीमा अघि सार्ने निर्णय गरेको छ,’ उनले भने, ‘पार्टी केन्द्रकै निर्देशन अनुसार यस्तो निर्णय भएको हो।’
यसअघि संसदीय दलका नेता लीला गिरी मुख्यमन्त्री बन्ने पक्काजस्तै थियो। यद्यपि, अन्तिम समयमा केन्द्रबाट आचार्यलाई मुख्यमन्त्रीमा अघि सार्न निर्देशन आएको चौधरीले बताए।
गिरी पार्टी उपाध्यक्ष एवं अर्थमन्त्री विष्णु पौडेल निकट मानिन्छन्।
