काठमाडौँ । नेपाल राष्ट्र बैंकले बैंकिङ प्रणालीबाट ४० अर्ब रूपैयाँ तान्ने भएको छ। अधिक तरलता भएसँगै राष्ट्र बैंकले निक्षेप संकलन विधिबाट २१ दिनको लागि राष्ट्र बैंकले ४० अर्ब रूपैयाँ प्रणालीबाट उठाउन लागेको हो।
बैंक तथा वित्तीय संस्थालाई निक्षेप राख्न बुधबार ३ बजेसम्मका लागि आह्वान गरिएको छ । सो बोलकबोल माध्यमबाट ब्याजदर निर्धार हुनेछ । बुधबार जारी हुने निक्षेपको सावाँ ब्याज भुक्तानी असोज २ गते हुनेछ ।
राष्ट्र बैंकले भदौ २ गते १ खर्ब रुपैयाँको निक्षेप जारी गरेको थियो । त्यतिबेला १ खर्ब ९६ अर्ब २५ करोड रुपैयाँको कबोल परेको थियो ।
