काठमाडौँ । अगस्ट महिनामा ७२ हजार ७१९ जना पर्यटक नेपाल भित्रिएका छन् ।
नेपाल पर्यटन बोर्डको तथ्यांक अनुसार अगस्टमा सबैभन्दा बढी भारतबाट २५ हजार ८३२ पर्यटक नेपाल भित्रिएका छन् । यस्तै, चीनबाट ६ हजार ६१४, अमेरिकाबाट ५ हजार ६१४, श्रीलंकाबाट चार हजार ८५१ र बंगलादेशबाट तीन हजार ७७ पर्यटक नेपाल आएका छन् ।
सन् २०२३ को अगस्ट महिनाको तुलनामा सन् २०२४ को अगस्टमा नेपाल आउने पर्यटकको संख्या ८.३ प्रतिशतले बढेको हो । सन् २०२३ को अगस्टमा कुल ६७ हजार १५३ जना पर्यटक नेपाल आएका थिए ।
