जनादेश, रोल्पा ।
रोल्पामा चिरपट प्रहार गरी एक पुरुषको हत्या गरिएको छ ।
जिल्लाको परिवर्तन गाउँपालिका–३ बादीडेराका ४४ वर्षका रामचरण बादीले चिरपट प्रहार गरी सोही ठाउँ बस्ने ४० वर्षका मन बहादुर बादीको हत्या गरेका हुन ।
गएराती २ बजे ढोका ढक्ढकाएपछि किन बोलाएको भनेर सोध्ने क्रममा रामचरणले एक्कासी टाउकोमा चिरपट प्रहारी गरी मनबहादुरको हत्या गरेको प्रहरीले जनाएको छ । शवलाई पोष्टमार्टमको लागि रोल्पा अस्पतालमा लगिएको प्रहरीले जनाएको छ ।
हत्यामा संलग्न रामचरणलाई गएराती नै पक्राउ गरी घटनाबारे थप अनुसन्धान भइरहेको जिल्ला प्रहरी कार्यालय रोल्पाका प्रवक्ता प्रहरी निरीक्षक शंकर खड्काले जानकारी दिनुभयो ।
उनको मानसिक अवस्था ठिक नभएकोे पनि प्रहरीले जनाएको छ ।
