चितवन,
जिल्लामा कोरोना सङ्क्रमणबाट दुईको मृत्यु भएको छ । मृत्यु हुनेमा भरतपुर महानगरपालिका –२ क्षेत्रपुरका ५१ वर्षीय पुरुष र हेटौडा उपमहानगरपालिका १९ का ७१ वर्षीया महिला रहेको बताइएको छ ।
ती पुरुष यही भदौ पाँच गते श्वासप्रश्वासमा समस्या भइ पुष्पाञ्जली अस्पतालमा भर्ना भएका थिए । उनलाई भदौ आठ गते कोरोना सङ्क्रमण पुष्टि भएको थियो । उनको आज बिहान १० वजे मृत्यु भएको अस्पतालले जनाएको छ ।
अस्पतालको कोभिड –१९ स्रोत व्यक्ति फिजिसन चिकित्सक सन्दिप पाण्डेका अनुसार उनको सघन उपचार कक्षमा उपचारका क्रममा मृत्यु भएको हो । दुवै फोक्सोमा गम्भिर निमोनिया देखिएर भेन्टिलेटरमा राखेर उपचार भइरहेको थियो । रासस
