जनादेश, काठमाडौं ।
देशभर आज थप ८९९ जनामा कोरोना संक्रमण पुष्टि भएको छ ।
यससँगै नेपालमा कोरोना संक्रमितको संख्या ३९ हजार ४६० पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएका छन् ।
आज थप ५८८ जना कोरोना संक्रमणमुक्त भएका छन् । हालसम्म २१ हजार ४१० उपचारपछि निको भएको गौतमले बताए ।
हाल देशभर ७१२१ जना होम आइसोलेसनमा रहेका छन्।
यस्तै, आज काठमाडौँ उपत्यकामा मात्रै थप २९८ जनामा कोरोना पुष्टि भएको छ । काठमाडौंमा १९०, ललितपुरमा ६७ र भक्तपुरमा ४१ संक्रमित थपिएको गौतमले जनाएका छन् ।
