जनादेश, काठमाडौ ।
आज थप १२२८ जनामा कोरोना भाइरसको संक्रमण देखिएको छ । यो सहित नेपालमा कोरोना संक्रमित हुनेको संख्या ४२ हजार ८७७ जना पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका हुन्।
हाल देशभर ७७४२ जना होम आइसोलेसनमा रहेको मन्त्रालयले जनाएको छ। पछिल्लो २४ घन्टामा थप ९१७ जना कोरोना संक्रमणमुक्त भएका छन्। यससँगै नेपालमा हालसम्म २४ हजार २०७ उपचारपछि निको भएका छन्। पछिल्लो २४ घन्टामा थप ६ संक्रमितको मृत्यु भएसँगै मृत्यु हुनेको संख्या २५७ पुगेको छ ।
यस्तै, बिहीबार काठमाडौंमा ४४५ कोरोना संक्रमित थपिएका छन् । काठमाडौँमा ३५७, ललितपुरमा ४६ र भक्तपुरमा ४२ संक्रमित थपिएको गौतमले जनाए ।
