चन्द्रप्रकाश नेपाली ।
प्रदेश ५ मा आज १ सय ३८ जनामा कोरोना संक्रमण पुष्टि भएको छ । प्रदेशका १२ जिल्लामध्ये ९ जिल्लाका १ सय ३८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
प्रदेशमा आज सबैभन्दा धेरै बाँकेमा ४८ जनामा कोरोनाको रिपोर्ट पोजेटिभ आएको छ । यस्तै बाँकेपछि रुपन्देहीमा ४४, बर्दियामा १४, नवलपरासी ९, दाङ र कपिलबस्तुमा ७÷७, गुल्मीमा २ र रुकुम पर्वमा १ जनामा संक्रणम देखिएको छ ।
प्रदेशमा सक्रिय संक्रमितको संख्या १ हजार ६ सय ७५ रहेको मन्त्रालयले जनाएको छ । प्रदेशमा संस्थागत आईशोलेशनमा १ हजार २ सय ५६ र होम आईशोलेशनमा ४ सय १९ गरी १ हजार ६ सय ७५ संक्रमित उपचाररत रहेकाछन् ।
अहिले प्रदेशमा २० जना संक्रमितको आईशियु र ४ जनाको भेन्टिलेटरमा उपचार भैरहेको मन्त्रालयले जनाएको छ ।
यस्तै प्रदेश ५ मा अहिलेसम्म ५ हजार २ सय ७६ जना कोरोना मुक्त भएका छन् । प्रदेश ५ का बिभिन्न जिल्लामा क्वारेनटाईनमा ८ सय ७७ जना रहेको जनाएको छ ।
