जनादेश संवाददाता
नेपालमा आज १ सय ८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित मिडिया ब्रिफिङमा प्रबक्ता डा. जागेश्वर गौतमले बितेको २४ घण्टामा देशका बिभिन्न २५ वटा प्रयोगशालमा गरिएको ४ हजार ५ सय ८८ जनाको पिसिआर परिक्षमा १ सय ८ जनामा कोरोना संक्रमण पुष्टि जानकारी दिनुभयो ।
योेसँगै नेपालमा कोरोना भाइरसको संक्रमितको संख्या १६ हजार ५ सय ३१ जना पुगेको छ । स्वास्थ्य मन्त्रालयका अनुसार प्रदेश १ मा १ सय ९६, प्रदेश दुईमा २ हजार २४, वाग्मती प्रदेशमा ४ सय २९, गण्डकी प्रदेशमा आठ सय ६२, प्रदेश ५ मा १ हजार ७ सय २७ जना, कर्णाली प्रदेशमा ४ सय ५ जना र सुदूरपश्चिम प्रदेशमा २ हजार ९ सय ६२ जना कोरोना सङ्क्रमित रहेका छन् ।
यसैबीच बितेको २४ घण्टामा १ सय ३९ जना कोरोनालाई जितेर अस्पतालबाट डिस्चार्ज भएका छन् । यसरी डिस्चार्ज हुनेको संख्या ७ हजार ८ सय ९१ पुगेको डा. गौतमले बताउनुभयो ।
नेपालमा अहिलेसम्म २ लाख ७१ हजार ४५ जनाको पिसिआर मार्फत कोरोना जाँच भएको छ । अहिले क्वारेन्टाईनमा २४ हजार ४ सय २५ र आइसोलेसनमा ८ हजार ६ सय ५ जना रहेको मन्त्रालयले जनाएको छ ।।
