जनादेश संवाददाता
२३ अषार, काठमाडौ । कोरोना संक्रमितको संख्या १ करोड २४ लाख पुगेको छ । बिश्वका दुई सय १५ देशमा फैलिएको कोरोनाका कारण अहिलेसम्म १ करोड २४ लाख ४ हजार ५ सय ९४ जनामा संक्रमण फैलिएको छ ।
वल्डोमिटरका अनुसार अहिलेसम्म कोरोनाका कारण ५ लाख ५७ हजार ७ सय ४३ जनाको निधन भएको छ भने ७२ लाख ३४ हजार ८ सय ६४ जना निको भएर घर फर्केका छन् ।
बिश्वमा दैनिक रुपमा कोरोना संक्रमितको संख्या बढदै गएको छ । वल्डो मिटरमा रहेको तथ्यांक अनुसार अमेरिकामा ३२ लाख २० हजार ५ सय संक्रमित पुगेका छन् । अमेरिकामा मात्रै एक लाख ३५ हजार ८ सय २८ जनाको निधन भएको छ ।
दोस्रो स्थानमा रहेको ब्राजिलमा भने १७ लाख ५९ हजार १ सय ३ जनामा संक्रमण फैलिएको छ भने ६९ हजार २ सय ५४ जनाको निधन भएको छ । यस्तै तेस्रो स्थानमा रहेको भारतमा ७ लाख ९५ हजार ६ सय ५ जनामा संक्रमण देखा परेको छ । भारतमा २१ हजार ६ सय ३२ जनाको निधन भएको छ ।
