जनादेश, काठमाडौँ ।
विद्युत प्राधिकरणको कार्यकारी निर्देशकबाट चार वर्षे कार्यकाल सकेर बिदा भएका कुलमान घिसिङलाई पुन नियुक्त गर्नुपर्ने माग राख्दै माइतीघर मण्डलमा प्रदर्शन गरिएको छ ।
प्रदर्शनमा उत्रीएका युवामाथि प्रहरीले लाठी र पानीको फोहोरा प्रहार गरेको छ । घिसिङलाई कार्यकारी निर्देशक रुपमा पुनर्नियुक्ति गर्न माग गर्दै युवालगाएत अन्य व्यक्तिहरुले बुधबार दिउँसो माइतीघर मण्डलमा प्रदर्शन गरेका थिए । घिसिङले नेपाललाई लोडसेडिङ मुक्त गरेका थिए । यसअघि दैनिक १८ घण्टा लामो लोडसेडिङ हुँदै आएको थियो ।
घिसिङकै नेतृत्वमा लोडसेडिङ मुक्त र घाटामा रहेको विद्युत प्राधिकरण समेत नाफामा आएपछि उनलाई पुनर्नियुक्ति गर्न जनत लागि परेको छ ।
