रुकुमकोट ।
रुकुम पूर्वको सदरमुकाम रुकुमकोटमा कोरोना संक्रमितको संख्यामा बढ्दै गएपछी जिल्ला प्रशासन कार्यालयले निषेधाज्ञा जारी गरेको छ ।
रुकुम पूर्वका प्रमुख जिल्ला अधिकारी राजकुमार राइको अध्यक्षतामा बसेको जिल्ला सुरक्षा समितिको बैठकले सदरमुकाम रहेको सिस्ने गाउँपालिकाको वडा नम्बर ५ र ६ मा गएराती १२ बजेदेखि लागु हुने गरी असोज १३ गते राती १२ बजेसम्मलाई निषेधाज्ञा जारी गरेको हो ।
दुई दिनमा जिल्लाका ३५ जनामा कोरोना देखिएपछि प्रशासनले निषेधाज्ञा जारी गरेको प्रजिअ राइले बताउनुभएको छ । पछिल्लो समय जिल्लामा कोरोना संक्रमण समुदाय स्तरमा फैलिएको भन्दै थप संक्रमणको जोखिमबाट बच्न चहलपहल धेरै हुने सदरमुकामका दुई वडामा निषेधाज्ञा जारी गरिएको प्रजिअ राइको भनाई छ ।।
