जनादेश, प्यूठान।
प्यूठानको स्वर्गद्वारी नगरपालिका ३ रुमालेमा भएको ट्याक्टर दुर्घटनामा परी सात जना मजदुरको घटनास्थलमै मृत्यु भएको छ ।
मृत्यु हुनेमा रोल्पाको रुन्टीगढी गाउँपालिका ५ का ६ जना र त्रिवेणी गाउँपालिकाका एक जना रहेको प्रहरीले जनाएको छ । त्रिवेणी गाउँपालिकाका चालक वर्ष २५ का कमल कुँवरसहित, रुम्टगढी गाउँपालिका ५ का वर्ष २१ का सागर बस्नेत, वर्ष २४ का रिमबहादुर बस्नेत, वर्ष २५ का कबिराम बस्नेत, वर्ष १९ का बिरेन्द्र बाठा मगर, वर्ष १९ का थमन बाठा मगर र उमेर नखुलेका गोर्बधन बुढामर रहेका छन् । ट्याक्टरमा चालकसहित आठ मजदुर सवार थिए। जसमध्ये ट्र्याक्टरबाट हाम फालेर बाच्न सफल भएका विशाल थापाको प्राथमिक स्वास्थ्य केन्द्र भिङ्ग्रीमा उपचार भइरहेको छ।
शनिबार राती स्वर्गद्वारी धरमपानीबाट भिङ्ग्रीतर्फ आउँदै गरेको लु२च ४२३४ नम्बरको ट्र्याक्टर रुमालेमा दुर्घटना भएको थियो । ट्र्याक्टर सवार सबै ओसिस कन्सट्रक्सन निर्माण कम्पनीमार्फत भिंगृ– स्वर्गद्वारी सडकको काममा खटिदै आएको खुलेको छ ।
