जनादेश, काठमाडौं ।
नेपाली चलचित्र क्षेत्रकी चर्चित अभिनेत्री श्वेता खड्का आज दोश्रो विवाह गर्न लागेकी छिन् । उनी धनगढीका विजयेन्द्र सिंह रावतसँग विवाह बन्धनमा बाँधिन लागेकी हुन् ।
श्वेता र विजयेन्द्रको विवाह काठमाडौँस्थित गोकर्ण फरेष्ट रिसोर्टमा हुनेछ ।
उनले यसअघि वि.सं २०७१ साल असार २३ गते अभिनेता श्रीकृष्ण श्रेष्ठसँग विवाह गरेकी थिइन् । बिहे भएको करिब एक महिनापछि श्रीकृष्णको निधन भएको थियो ।
विवाहको पूर्वसन्ध्यामा भावुक पत्र लेख्दै श्वेताले आफूले आँशुको सट्टा जीवन रोजेको भन्दै पुरुष प्रधान समाजलाई आफ्नो निर्णय स्वीकार गर्न कठिन हुने उल्लेख गरेकी थिइन् ।
र विवाहको पूर्वसन्ध्यामा श्वेता र विजयेन्द्रबीच मेहन्दी समारोहमै मस्ती चलेका तस्विर सार्वजनिक भएका छन् ।
