जनादेश, काठमाडौँ ।
मोरङ प्रहरीले प्रतिवन्धित विप्लव समूहका मोरङ इन्चार्ज धनबहादुर विकलाई पक्राउ गरेको छ । उनी गत मंसिर २३ गते मिक्लाजुङका शिक्षक राजेन्द्र श्रेष्ठको हत्यामा संलग्न रहेको प्रहरीको भनाई छ ।
हत्या भएको लामो समयसम्म पनि विप्लव समूहको सुइँको नपाएको प्रहरीले विकलाई चन्दा लिन आउँदै गर्दा विराटनगर छेउ जिल्लाको बुढिगंगा गाउँपालिकाको एक उद्योग छेउबाट पक्राउ गरेको हो ।
प्रहरीले उनी सवार मोटरसाइकलसहित, पेस्तोल, केहि थान सिम कार्ड र अन्य कागजपत्र समेत बरामद गरेको जनाएको छ ।
मोरङ प्रहरी प्रमुख सन्तोष खड्काका अनुसार विककै नेतृत्वमा श्रेष्ठको अपहरण भएको र घरबाट केहि पर जंगलमा पुर्याएर उनको निर्मतापूर्वक हत्या गरिएको जनाएको छ ।
