जनादेश, काठमाडौं ।
नेकपा प्रचण्ड नेपाल समूहकी नेतृ पम्फा भुसालले नेपालको संविधानले कसैको श्रीमतीलाई प्रथम महिला नबनाएको बताएकी छन् । शनिबार नेपाल प्रहरी अस्पताल र घुन्सा फाउन्डेसनले आयोजना गरेको एक कार्यक्रममा प्रधानमन्त्री केपी शर्मा ओलीकी पत्नी राधिका शाक्यलाई प्रथम महिलाको रुपमा बोलाइएको थियो ।
सोही कुरालाई प्रष्ट्याउँदै भुसालले आइतबार फेसबुकमा संविधानले कसैकी श्रीमतीलाई प्रथम महिला र बाँकी महिलाहरु दोश्रो नबनाएको टिप्पणी गरेकी हुन् । वंसवाद र परीवारवादको सामन्ती राजतंत्रात्मक व्यवस्थामा मात्र राजाकी श्रीमती महारानी, छोराछोरी युवराज युवराजकुमारी हुने गरेको जनाउँदैै भुसालले लोकतान्त्रिक गणतन्त्रमा सबै नागरिकको हैसियत समान हुने बताएकी छन् ।
‘वंशवाद र परिवारवादको सामन्ती राजतन्त्रात्मक व्यवस्था जहाँ राजाकी श्रीमती महारानी, छोराछोरी युवराजर युवराजकुमारी हुन्थे।’ भुसालले लेखेकी छन्, ‘लोकतान्त्रिक गणतन्त्रमा हरेक नागरिकले आफ्नो हैसियत आफैँ निर्माण गर्ने हो। सबैलाई समानता र स्वाभिमान प्रदान गर्ने लोकतान्त्रिक गणतन्त्र ज़िन्दावाद। महिलालाई दास बनाउने सामन्ती पितृसत्तावाद मुर्दावाद’ भुसालले लेखेकी छन् ।
