+जनादेश सोसल मिडिया वाच ।
जनता समाजवादी पार्टीका संघीय परिषद् अध्यक्ष डा. बाबुराम भट्टराईले वर्तमान सरकारले देश र जनलाईलाई धोका दिएको आरोप लगाएका छन्।
प्रधानमन्त्री केपी ओली शर्माको नेतृत्वमा सरकार गठन भएको ३ वर्ष पूरा भएको सन्दर्भमा पूर्वप्रधानमन्त्रीसमेत रहेका डा. भट्टराईले यो अवधि ठूला गफ र शून्य प्रगतिमा बितेको टिप्पणी गरेका हुन्। सरकारले सोमबार आफ्नो तेस्रो वार्षिकोत्सव मनाएको थियो।
‘कसैको कार्यकालको मूल्यांकन तत्कालीन राष्ट्रिय आवश्यकता, सम्भावना र तथ्यगत परिणामका आधारमा हुन्छ,’ डा. भट्टराईले सामाजिक सञ्जालमार्फत आलोचना गरेका छन्, ‘दुईतिहाइको ओली सरकारका ३ वर्ष ठूला गफ, शून्य परिणाम र अन्त्यमा हारेको खेलाडीले खेलमैदान नै भत्काएर हिँडेको दुःखान्त प्रहसनजस्तो मात्रै रह्यो !’
उनले अगाडि भनेका छन्, ‘देश र जनतामाथि यत्रो विश्वासघात कसैले फेरि नगरोस् !’
कसैको कार्यकालको मूल्यांकन तत्कालीन राष्ट्रिय आवश्यकता,सम्भावना र तथ्यगत परिणामको आधारमा हुन्छ।२/३को ओली सरकारको३बर्ष ठूला गफ,शून्य परिणाम र अन्त्यमा हारेको खेलाडीले खेलमैदान नै भत्काएर हिंडेको दु:खान्त प्रहसन जस्तो मात्रै रह्यो! देश र जनतामाथि यत्रो विश्वासघात कसैले फेरि नगरोस्!
— Baburam Bhattarai (@brb1954) February 15, 2021
बाबुरामले चुनाव चुनाव भनिरहेका कांग्रेस सभापति शेरबहादुर देउवाप्रति पनि बाबुरामले कठोर कटाक्ष गरेका छन् ।
उनले ट्वीटरमा लेखेका छन्, “आफुलाई लोकतन्त्रको पर्याय ठान्ने र संविधानसभाबाट संविधान जारी गरेको जश लिन होडबाजी गर्ने नेका संविधानका हत्यारा ओलीसंगै सती जान लागेकै हो? संविधान/लोकतन्त्र मासेर सर्वसत्तावादलाई वैधता दिने जुनसुकै चुनावमा हामफाल्ने हो भने बिपीले पंचायती चुनाव किन बहिस्कार गरेका होलान्? नेका कता?”
आफुलाई लोकतन्त्रको पर्याय ठान्ने र संविधानसभाबाट संविधान जारी गरेको जश लिन होडबाजी गर्ने नेका संविधानका हत्यारा ओलीसंगै सती जान लागेकै हो? संविधान/लोकतन्त्र मासेर सर्वसत्तावादलाई वैधता दिने जुनसुकै चुनावमा हामफाल्ने हो भने बिपीले पंचायती चुनाव किन बहिस्कार गरेका होलान्? नेका कता? https://t.co/4KntW82IPT
— Baburam Bhattarai (@brb1954) February 15, 2021
बाबुरामले केपी ओलीले चुनाव नगराउनका लागि मात्र घोषणा गरेको भन्दै ओलीको प्रतिगमनलाई साथ हुनेगरी चुनावको प्रचार नगर्न आग्रह गर्दै आएका छन् ।
