जनादेश, काठमाडौँ ।
नेकपा एमालेकी नेतृ रामकुमारी झाँक्रीले पार्टी अध्यक्ष केपी शर्मा ओलीको ज्यादतीविरुद्ध यो अन्तिम र निर्णायक लडाईँ हुने चेतावनी दिएकी छन् ।
सामाजिक सञ्जालमा ट्वीट गर्दै झाँक्रीले ओलीले चालेको कदम गलत भएको जनाउँदै कम्यूनिष्ट आन्दोलनलाई यत्तिकै विसर्जन हुन नदिने बताएकी छन् ।
ओलीले शुक्रबार आफ्ना पक्षका नेतालाई मात्र बैठकमा राखेर महासचिव बाहेकका सबै पदाधिकारी बर्खास्त र महाधिवेशनमा जाने एकलौटी निर्णय गरेपछि माधव नेपाल र झलनाथ खनाल पक्ष आक्रोशित बनेको छ ।
‘जे भइरहेको छ यो एकदमै गलत हो। विधान विपरीतको यो ज्यादती हो। कम्यूनिष्ट आन्दोलनको विसर्जन हो। तर हामी यो आन्दोलनलाई यत्तिकै विसर्जन हुन दिनेछैनौँ। यसको कानूनी उपचार र राजनैतिक प्रतिवाद दुबै गर्नेछौ। साथिहरू, हाम्रो जिन्दगीको यो अन्तिम र निर्णायक लडाईँ हुनेछ,’ झाँक्रीले ट्वीटमा लेखेकी छन् ।
जे भइरहेको छ यो एकदमै गलत हो। विधान विपरीतको यो ज्यादती हो। कम्यूनिष्ट आन्दोलनको विसर्जन हो। तर हामी यो आन्दोलनलाई यत्तिकै विसर्जन हुन दिनेछैनौँ। यसको कानूनी उपचार र राजनैतिक प्रतिवाद दुबै गर्नेछौ। साथिहरू, हाम्रो जिन्दगीको यो अन्तिम र निर्णायक लडाईँ हुनेछ।
— Ram kumari Jhakri (@Jhakri_didi) March 12, 2021
