जनादेश सोसल मिडियावाच ।
लेखक एवं नागरिक अभियन्ता खगेन्द्र संग्रौलाले जनता समाजवादी पार्टीका अध्यक्ष महन्थ ठाकुर प्रधानमन्त्री केपी शर्मा ओलीको सरकार जोगाउन लागिपरेको भन्दै व्यङ्ग्य र आलोचना गरेका छन् ।
महन्थको चाला देख्दा आश्चर्य लागेको खगेन्द्र संग्रौलाले सामाजिक सञ्जालमार्फत बताएका हुन्।
`प्रधानमन्त्री ओली मधेसविरोधी भएको आरोप लगाउँदै साहित्यकार संग्रौलाले ठाकुर अहिले तिनै ओलीको चरणमा शरण परेको सुन्दा लाजमर्नु भएको ट्वीटरमा लेखेका हुन् ।
‘६२/६३को आन्दोलनमा बिरालाको घाँटीमा घण्टी बाँध्दै महन्थ ठाकुर दरबारविरुद्ध गर्जिँदा ओली सरले महन्थलाई गिज्याउँदै बयलगाडे सिध्दान्त रचेका थिए,’ शनिबार राति संग्रौलाले सामाजिक सञ्जालमा लेखेका छन्, ‘अहिले उनै महन्थ उनै ओली उग्र मधेसविरोधी ओली सरका चरणमा शरण परेर निजको सरकार जोगाउन लागिपर्या छन् भन्ने सुन्दा गाँठ्ठे, लाजैमर्नु भो !’
६२/६३काे आन्दाेलनमा बिरालाकाे घाँटीमा घण्टी बाँध्दै महन्थ ठाकुर दरबारविरूध्द गर्जिँदा ओली सरले महन्थलाई गिज्याउँदै बयलगाडे सिध्दान्त रचेका थिए।अहिले उनै महन्थ उनै ओली उग्र मधेशविराेधी ओली सरका चरणमा शरण परेर निजकाे सरकार जाेगाउन लागिपय्रा छन् भन्ने सुन्दा गाँठ्ठे, लाजै मर्नु भाे!
— Khagendra Sangroula (@belakoboli) April 3, 2021
यस अघि नागरिक डबलीमा पनि खगेन्द्रले ओलीको पछि लागेको भन्दै महन्थलाई व्यङ्ग्य गरेका थिए । महन्थले केपी ओलीको कडा आलोचना गर्दै आएका छन् ।
