जनादेश, काठमाडौँ ।
नेकपा (एमाले)का नेता तथा लुम्बिनी प्रदेशका मुख्यमन्त्री शंकर पोखरेलले कार्यदलको तीन महिनाको प्रयास खेर गएको टिप्पणी गरेका छन्। एमाले वरिष्ठ नेता माधवकुमार नेपाललाई कोटेश्वरमा भेटेपछि कार्यदल सदस्य समेत रहेका एमाले नेता शंकर पोखरेलले कार्यदलको प्रतिवेदनमा नेपालले अहसमति जनाएको सार्वजनिक गरेका छन् ।
पोखरेलले फेसबुकमा लेखेका छन्, ‘माधव नपालले कार्यदलको प्रतिवेदनमा असहमति जनाएसँगै तीन महिनाको मेहनत खेर गयो ।’
पोखरेल पनि विवाद समाधान कार्यदलमा सदस्य थिए। कार्यदलले गएको असार २७ गते राति १० बुँदे सहमति जुटाएको थियो। जसलाई अध्यक्ष ओली र वरिष्ठ नेता नेपाललाई बुझाइएको थियो भने १ साउनमा बसेको एमालेको स्थायी कमिटी बैठकले त्यसलाई ग्रहण गरेको थियो। तर, उक्त बैठकमा नेपाल पक्ष भने सहभागी थिएन।
आज कार्यदलका दुवै पक्षका नेताले नेपाललाई भेटेका थिए । १० बुँदे सहमतिका आधारमा पार्टी एकता कायम गर्ने प्रस्ताव नेपालले अश्वीकार गरेको भेटपछि अर्का एक नेताले बताए ।
