जनादेश संवाददाता
वाग्मती। वाग्मती प्रदेशका मुख्यमन्त्री डोरमणि पौडेलले सहकारीले उत्पादन तथा नेपाली उत्पादनको बजारीकरणमा जोड दिनुपर्ने बताएकाछन्।
प्रदेशस्तरीय सहकारी सङ्घलाई प्रमाणपत्र वितरण गर्दै मुख्यमन्त्री पौडेलले सहकारीले सोचेजस्तो काम गर्न नसकेको धारणा राखेकाछन् ।
मुख्यमन्त्री पौडेलले सहकारीले सङ्ख्यामा प्रगति गरेको भए पनि सहकारीको प्रमुख उद्देश्यअनुरुप व्यापकरुपमा उत्पादन गर्न नसकेको बताएकाछन् । उहाँले हिजोका दिनमा कानूनको अभावमा काम गर्न नसकिएको बताउने सहकारीले भनेअनुसार नै प्रदेश सरकारले कानून निर्माण गरेको अवस्थामा पनि प्रगति नदेखिएकाले त्यसतर्फ ध्यान दिन अनुरोध गरेकाछन् ।
