काठमाडौँ ।
देशभर पछिल्लो २४ घण्टामा थप ५३३ जनामा कोरोना भाइरस संक्रमण पुष्टि भएको छ ।
७ हजार ४६८ जनाको पीसीआर परीक्षण गर्दा ४४१ जना र ४ हजार १९६ जनाको एन्टिजेन परीक्षण गर्दा ९२ गरी कुल ५३३ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै, सोही थप ४९० जना कोरोना संक्रमणमुक्त भएका छन् भने संक्रमणबाट थप ९ जनाको मृत्यु भएको । योसँगै नेपालमा हालसम्म कोरोना संक्रमणका कारण मृत्यु हुनेको संख्या ११ हजार ४१६ पुगेको छ । नेपालमा हालसम्म कोरोना संक्रमितको कुल संख्या ९ लाख ७ हजार ६३८ पुगेको छ ।
यस्तै, हालसम्ममा ७ लाख ९२ हजार २७७ जना संक्रमणमुक्त भएका छन् । मन्त्रालयका अनुसार देशभर हाल ९ हजार ३१८ जना सक्रिय संक्रमित रहेका छन् ।
