काठमाडौँ ।
आज देशभर थप ५३३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १४ हजार ९१८ पीसीआर परीक्षण गर्दा ४४३ जना र १ हजार ८१८ एन्टिजेन परीक्षण गर्दा ९० जना गरी कुल ५३३ जनामा कोरोना संक्रमण पुष्टि भएको हो । त्यस्तै, सोही अवधिमा थप ४८४ जना कोरोना संक्रमणमुक्त भएका छन् भने एक जनाको मृत्यु भएको छ ।
योसँगै नेपालमा कोरोना संक्रमणका कारण मृत्यु हुनेको संख्या ११ हजार ४५४ पुगेको छ । हाल देशभर सक्रिय संक्रमितको संख्या ७ हजार ६१२ रहेको छ ।
