काठमाडौँ ।
पछिल्लो २४ घण्टामा देशभर थप ३६३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार १०६ पीसीआर परीक्षणमा ३६३ जनामा र एन्टिजेन विधिद्वारा १ हजार ८८७ परीक्षण हुँदा ४९ जनामा कोरोना संक्रमण पुष्टि भएको हो । योसँगै कोरोना संक्रमितको संख्या ८ लाख १८ हजार ३५ पुगेको छ ।
त्यस्तै, पछिल्लो २४ घण्टामा २०२ जना संक्रमणमुक्त भएका छन् । यससँगै कोरोनामुक्त हुनेको संख्या ७ लाख ९८ हजार ९१६ पुगेको छ । मन्त्रालयका अनुसार पछिल्लो २४ घण्टामा थप एक संक्रमितको मृत्यु भएको छ । यससँगै हालसम्म कोरोनाबाट मृत्यु हुनेको संख्या ११ हजार ४८३ पुगेको छ ।
हाल देशभर सक्रिय संक्रमितको संख्या ७ हजार ६३६ रहेको मन्त्रालयले जानकारी दिएको छ ।
