काठमाडौँ ।
पछिल्लो २४ घण्टामा देशभर थप ३४१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर परीक्षणबाट ३१३ र एन्टिजेन परीक्षणबाट २८ जनामा संक्रमण पुष्टि भएको हो ।
त्यस्तै, सोही अवधिमा थप ३७६ जना कोरोनामुक्त भएका छन् भने थप ३ जना संक्रमितको मृत्यु भएको छ । हाल देशभर सक्रिय संक्रमितको संख्या ५ हजार २४ रहेको छ ।
मन्त्रालयका अनुसार हालसम्म ८ लाख ७ हजार १५४ जना कोरोनामुक्त भएका छन् भने कुल ११ हजार ५५७ को मृत्यु भएको छ ।
