पछिल्लो ४ घण्टामा देशभर थप ५४० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार एन्टिजेन र पीसीआर विधिबाट १२ हजार ९९ जनाको नमूना परीक्षण गर्दा ५४० जनामा संक्रमण पुष्टि भएको हो । त्यस्तै, सोही अवधिमा थप २७१ जना संक्रमण मुक्त भएका छन् भने एक जना संक्रमितको निधन भएको छ ।
मन्त्रालयको तथ्यांक अनुसार हालसम्म देशभर कोरोना संक्रमणबाट ११ हजार ६०२ जनाको मृत्यु भइसकेको छ भने ८ लाख १३ हजार ४४७ जना संक्रमण मुक्त भएका छन् ।
